د زندانونو چارو د سمون ادارې د ګومارنو، تشکيلاتو او د چارو د تنظيم کمېسیون نننۍ ناسته کې د دې کمېسیون نوي غړي معرفي شول
د یادې ادارې عمومي رئیس محترم مولوي محمدیوسف "مستري" نن(سې شنبې) په دې اړه جوړه شوې ناسته کې، چې د ادارې د پالېسۍ او مسلکي چارو مرستيال محترم قاري عبدالله "همدرد"، د نظامي چارو مرستیال محترم لوی پاسوال قاري حبیب الله "بدر"، د مالي او اداري عمومي رئیس محترم مولوي عبدالهادي مالي "اخندزاده"، د مقام د دفتر رئیس محترم عبيدالله "اخلاص"، د خدماتو رئیس محترم مولوي عبدالمالک "خاکسار" له عدلي او قضایي اورګانونو سره د اړیکو رئیس محترم مولوي عبدالله "حقیق" او د پالېسۍ او مسلکي چارو د معاونیت د دفتر امر محترم خلیل الله "بکتاش" په ګډون جوړه شوې وه، نوموړي کمېسیون ته د دغې ادارې د بشري سرچینو رئیس محترم مولوي ضیاءالرحمن "سعید"، د کشف او اوپراتیفي رئیس محترم مولوي عطامحمد "محمد" او د څرخي پله مرکزي محبس رئیس محترم مولوي خالقداد "رحمت" په شمول درې نوي غړي معرفي او له پخوانیو غړو سره یې د ګډې همغږۍ هیله ورته وکړه.
داراز، محترم مولوي محمدیوسف "مستري" د یادې ناستې پرمهال په اداره کې د ګومارنو، تغییراتو، تبدیلیو او د چارو لاښه والي په موخه بحث او د نظرونو د تبادلې ترڅنګ اړوندو مسوولینو ته لازمې سپارښتنې وکړې.
صفر المظفر ۵/ ۱۴۴۵
د مقام د دفتر ریاست
د اطلاعاتو او عامه اړیکو امریت
