د زندانونو چارو د سمون ادارې د ښوونې او بیا روزنې رئیس او مل پلاوي د کابل ولایت د مخدره توکو د ځانګړي زندان ښوونیزې چارې و ارزولې
د دې ادارې د ښوونې او بیا روزنې رئیس محترم مولوي نظر محمد "ناصري" او مل پلاوي په پیل کې د مخدره توکو د ځانګړي زندان له امر محترم مولوي نعمت الله "زید" سره ولیدل او د دغه زندان ښوونېزو چارو په اړه یې ورسره خبرې وکړې.
تر دې وروسته، محترم مولوي ناصري د نوموړي زندان د دیني او عصري زده کړو له روان بهير څخه هم ارزونه وکړه او مسوولینو ته یې زیاته کړه:« د زندانونو چارو د سمون اداره تل هڅه کوي څو په زندانونو کې ښوونیزې چارې لاغښتلې او په دې برخه کې باتجربه ښوونکي او روزونکي وروزي څو پر مټ یې محبوسین وکولی شي په راتلونکي کې له ورکړل شوېو زده کړو او وړتیا څخه په ګټې اخیستنې سره خپلې کورنۍ او ټولنې ته د ښه خدمت جوګه شي.
په پای کې، د ښوونې او بیا روزنې رئیس محترم مولوي نظر محمد "ناصري" د نوموړي زندان درسي تولګیو څخه لیدنې ترڅنګ، استادانو ته لارښوونه وکړه چې د زندانیانو په روزنه کې نه ستړې کېدونکې هلې ځلي وکړي.
محرم الحرام ۱۹/ ۱۴۴۷
د مقام د دفتر ریاست
د اطلاعاتو او عامه اړیکو امریت
