د زندانونو چارو د سمون ادارې د چارو لا ښه شفافیت په موخه غونډه ترسره شوه
د یادې ادارې د پالېسۍ او مسلکي مرستيال محترم الحاج محمد کاظم "طارق" په مشرۍ په دې غونډه کې، چې د ادارې د خدماتو رئیس محترم مولوي سیدولي "عبدالله"، د دغه معاونیت د دفتر امر محترم خلیل الله بکتاش او یو شمېر نورو مسوولینو هم شتون درلود، د زندانونو چارود سمون ادارې لپاره د اړتیا وړ تېلو د کیفیت د څرنګوالي او په چارو کې د لاښې همغږۍ او نورو مهمو مسایلو په هکله خبرې اترې وکړې.
داراز، د نوموړې غونډې ګډونوالو د تېلو د کیفیت په اړه خپل نظرونه تبادله کړل، چې د زندانونو چارو د سمون ادارې د پالېسۍ او مسلکي چارو مرستيال له خوا یې تر اورېدو وروسته په هکله د اصولو او تقنیني اسنادو په رڼا کې لازمې پرېکړې وشوې.
ذوالحجة الحرام ۸/ ۱۴۴۶
د مقام د دفتر ریاست
د اطلاعاتو او عامه اړیکو امریت
