د زندانونو چارو د سمون ادارې د پالېسۍ او مسلکي چارو مرستیال محترم قاري عبدالله "همدرد" په مشرۍ پلاوي کندهار ته د سفر په دوهمه ورځ د دې ولایت د زندان یو شمېر نورې برخې هم وارزولې
د زندانونو چارو د سمون ادارې د پالېسۍ او مسلکي چارو مرستیال محترم قاري عبدالله "همدرد" په مشرۍ پلاوي چې د ادارې د ښوونې او بیا روزنې رئیس محترم مولوي عبدالوارث سادات، د دعوت او ارشاد رئیس محترم مولوي صدیق الله صدیقي، د نظامي ښوونې او روزنې د واحدې قوماندانۍ قوماندان محترم مل پاسوال مولوي شرافت الله حقاني، او د پالېسۍ او مسلکي چارو د معاونیت د دفتر امر محترم خلیل الله بکتاش یې هم ملتیا کوله د کندهار ولایت د زندان یو شمېر نورې برخې هم وارزولې او مسوولینو څخه یې د شویو فعالیتونو، پرمختګونو او لاسته راوړنو په اړه د معلوماتو تر اورېدو وروسته ورته لازمې لارښوونې وکړې.
پلاوي د دې زندان له زندانیانو سره له نږدې ولیدل چې هغوی د نوموړي پلاوي په ورتګ د خوښۍ ترڅنګ له دوی سره د مسوولینو چلند ښه یاد کړی او د خپلو جرمي دوسېو د ژر څېړلو غوښتنه یې ترې کړې.
همداراز، پلاوي له زندانیانو سره په خبرو کې نوموړو ته زیاته کړه چې د زندانونو چارو د سمون اداره تل کوښښ کوي څو زندانیانو لپاره غوره امکانات چمتو، ستونزو او غوښتنو ته یې په وخت رسېدنه، د هغوی د ژوندانه د وضعیت، د بشري حقونو د خوندیتوب او ورته نورو برخو کې جدي پاملرنه وکړي.
داراز، پلاوي د دې زندان د شخصیتي دوسیو، د عدلي او قضایي، د فرمانونو د پلي کولو، د ازادي د سلب پر ځایونو د ارزونې، د مخابرې او تخنیکي برخه او پخلنځی له امریتونو او مدیریتونو څخه په جلا جلا توګه ارزونه وکړه او د هرې برخې مسوولینو څخه یې په اړوندو برخو کې د ستونزو او غوښتنو تر اورېدو وروسته ورته لازمې لارښونې وکړې.
د یادولو ده چې، د یاد پلاوي د ارزونې لړۍ به له دې زندان څخه دوام ولري.
ربیع الثاني ۷/ ۱۴۴۵
د مقام د دفتر ریاست
د اطلاعاتو او عامه اړیکو امریت
