د زندانونو چارو د سمون ادارې د پالېسۍ او مسلکي چارو مرستیال د چارو ادارې عمومي ریاست څخه راغلي پلاوي سره په خپل کاري ځای کې ولیدل
د دې ادارې د پالېسۍ او مسلکي چارو مرستیال محترم الحاج محمد کاظم "طارق"، د ادارې مالي او اداري عمومي رئیس محترم مولوي عبدالهادي "اخندزاده" او یو شمېر رئیسانو په ګډون د چارو د ادارې څخه راغلي پلاوي سره د لیدنې ترڅنګ د رئیسانو د ارزیابۍ پروسې په هکله ورسره خبرې اترې وکړې.
همداراز، محترم الحاج محمد کاظم طارق له چارو ادارې څخه راغلي پلاوي ته د ښه راغلاست ویلو ترڅنګ وویل: د چارو د ادارې له لورې د کارونو د لا ښه ترسراوي په موخه د رئیسانو ارزیابۍ پروسه مثبته یاده کړه او په دې برخه کې یې د همکارۍ ډاډ ورکړ.
په پاي کې، نوموړي پلاوي وویل: د یادې ارزیابۍ څخه موخه د ریاستونو د کړنو او لاسته راوړنو ډاډ ترلاسه کول، د چارو د لا ښه مخ پر وړلو لپاره د دوی د ترمنځ د ښې همغږۍ رامنځته کول دي.
محرم الحرام ۵/ ۱۴۴۷
د مقام د دفتر ریاست
د اطلاعاتو او عامه اړیکو امریت
