د زندانونو چارو د سمون ادارې د نظامي چارو معاونیت د ارکان رئیس د یوه پلاوي په مشرۍ د هلمند ولایت له مرکزي زندانه لیدنه وکړله

news_admin
دوشنبه ۱۴۰۴/۵/۱۳ - ۱۵:۱
رییس ارکان

د محترم پاسوال الحاج اسدالله "مولانا" په مشرۍ دغه پلاوي د نوموړي ولایت له زندان څخه د دې لیدنې پرمهال لومړی د دې زندان مسوولینو سره پر اړوندو مسایلو خبرې وکړې او هغوی ورته له خپله اړخه د دې زندان او زندانیانو لپاره د برابرو شویو امکاناتو او لازمو خدمتونو په هکله بشپړ معلومات ورکړل، چې د پلاوي مشر یې تر اورېدو وروسته د خوښۍ په څرګندولو د هغو د لاښه والي لپاره ګټورې لارښوونې وکړې.

همداشان، د زندانونو چارو د سمون ادارې د نظامي چارو معاونیت د ارکان رئیس او مل پلاوي یې د یاد زندان له زندانیانو او محجوزینو سره هم له نږدې ولیدل، د هغوی روا غوښتنې یې واورېدې او د دې ولایت د زندان مسوولینو سره په خبرو کې، د بندیانو لپاره د اسانتياوو پر زیاتولو، د هغوی ستونزو او روا غوښتنو ته د رسېدنې او د ښو خدمتونو پر وړاندې کولو ټینګار وکړ.

په پای کې، د محترم مولانا په مشرۍ پلاوي د دې زندان د خوړو ، اباتې، پخلنځي، تعمیراتي او روغتیايي چارې، امنیتي پوستې، ټاورونه او قراولونه وارزول او د شتو ستونزو د حل لپاره یې اړوند مسوولینو ته لازمې او د پام وړ لارښوونې وکړې.

 

صفر المظفر ۱۰/ ۱۴۴۷

د مقام د دفتر ریاست

د اطلاعاتو او عامه اړیکو امریت

 

 

تازه خبرونه

یکشنبه ۱۴۰۴/۶/۹ - ۱۳:۴۰
Background image

ولایتي خبرونه: (سمنګان، جوزجان) د سمنګان ولایت د زندان نظامي مدیر د دې ولایت د روی دو اب، خلم او د کوزې صوف درې ولسوالیو له توقیفخونو څخه ارزونه وکړله

د دغه ولایت د زندان نظامي مدیر او مل پلاوي د نوموړي ولایت  د روی دو اب، خلم او د کوزې صوف درې ولسوالیو له توقیفخونو څخه د لیدنې پرمهال د یادو توقیفخونو له مسوولینو سره پر اړوندو مسایلو. . .

شنبه ۱۴۰۴/۶/۸ - ۱۴:۱۰
Background image

ولایتي خبرونه: (جوزجان، پکتیکا) د جوزجان ولایت په زندان کې د زندانیانو ترمنځ د (الحق المبین )کتاب تر نامه لاندې سیالۍ پای ته ورسېده

په دغه سیالۍ کې، چې د دې ولایت د زندان (۱۲۰) تنو زندانیانو برخه اخیستې وه،  د هغوی د فکري روزنې او د مطالعې فرهنګ د ودې په موخه د البرز فکري او فرهنګي ادارې او د نوموړي زندان د ښوونې او. . .

پنجشنبه ۱۴۰۴/۶/۶ - ۱۲:۱۱
Background image

د زندانونو چارو د سمون ادارې د مرکز کابل او د (۳۳) ولایتونو د زندانونو د حفظ او مراقبت امرینو او مدیرانو د ظرفیت لوړونې په موخه یو اونیز سمینار پای ته ورسېد

دغه سمینار چې د دې ادارې د تعمیراتو ریاست له لورې د سمینار ګدونوالو ته په لاره اچول شوی و، د دې ادارې تکړه او تجربه لرونکو استادانو له لورې د زندانونو د فورمه جاتو، برښنايي سیستم ،. . .

BACK TO NEWS