د خوشې شویو بندي مجاهدینو د مشکلاتو د حل رئیس د مالیې وزارت له معین سره ولیدل
د زندانونو چارو د سمون ادارې د عمومي رئیس محترم مولوي محمد یوسف "مستري" په لارښوونه، د خوشې شویو بندي مجاهدینو د ستونزو د حل رئیس محترم ملا محمد نور "بلال شاهین" تېره ورځ، کابل کې د مالیې وزارت د معین محترم عبدالقدیر احمد سره د خوشې شویو بندي مجاهدینو د ځينو مربوطه ستونزو د حل په موخه خبرې اترې وکړې.
په ورته وخت کې، د مالیې وزارت معین له لوري ډاډ ورکړل شو چې د زندانونو چارو د سمون له ادارې سره به په دې برخه کې د هر راز همکاریو څخه دریغ ونه کړي.
ذوالحجه ۲۱/ ۱۴۴۴
د مقام د د فتر ریاست
د اطلاعاتو او عامه اړیکو امریت
