د خوشې شویو بندي مجاهدینو د ستونزو د حل رئیس د کورنیو چارو وزارت له اداري مرستیال سره ولیدل
د زندانونو چارو د سمون ادارې د عمومي رئیس محترم مولوي محمد یوسف "مستري" په لارښوونه، د خوشې شویو بندي مجاهدینو د ستونزو د حل رئیس محترم ملا محمد نور "بلال شاهین"، د کورنیو چارو وزارت له اداري مرستیال محترم الحاج مولوي نور جلال "جلالي" سره ولیدل او د ځینو خوشې شویو بندي مجاهدینو د درملنې په برخه کې د اسانتیاوو او د هغوی د ګومارنو په اړه یې ورسره خبرې وکړې.
په ورته وخت کې، د کورنیو چارو وزارت اداري مرستیال له خپله اړخه د زندانونو چارو د سمون ادارې له ریاست سره د اړوندو ستونزو د هوارۍ په موخه د رسېدنې ژمنه وکړه.
جمادي الاول ۸/ ۱۴۴۵
د مقام د دفتر ریاست
د اطلاعاتو او عامه اړیکو امریت
