د بامیان ولایت په زندان کې د زندانیانو او پرسونل لپاره د لیک لوست کورس پیل شو
د بامیانو زندان رئیس محترم مولوي محمد ابراهیم حقاني په خبره ، د زندان هغه پرسونل چې تر دې وړاندې یې د ځینو ستونزو له امله زده کړو ته لاسرسی نه درلود او یا ترې نیمګړې ياتې شوې وې، اوس به د دې کورس پر مټ خپلو زده کړو ته دوام ورکړي او خپل هېواد او ملت ته به د ښه خدمت جوګه شي.
همدا راز، د بامیانو پوهنې رئیس د یاد ولایت د زندان زندانیانو او پرسونل ته وویل، چې یاد کورس د دوی د پوهې د لوړولو په مو خه پیل شوی، چې په کې ګډون سره به یې د علم په ګاڼه سمبال شي.
د یادونې وړ ده، چې څه موده وړاندې هم د بامیان ولایت په زندان کې د زندانیانو او پرسونل لپاره ورته کورس جوړ شوی وو، چې ښې پایلې یې درلودې.
شوال المکرم ۲۸/ ۱۴۴۶
د مقام د دفتر ریاست
د اطلاعاتو او عامه اړیکو امریت
