د بامیان ولایت له زندان سره د ژمنیو توکو مرسته وشوه
د زندانونو چارو د سمون ادارې له لوري د هېواد زندانونو ته د پاملرنې په لړ کې دا ځلي د بامیان ولایت له زندان سره د ژمنیو توکو د مرستو له جملې چې کمپلې، جرابې، پټوان په کې شامل وو د دغه زندان مسوولینو ته و سپارل شول.
په ورته وخت کې، د دې زندان مسوولینو د مرکزي ادارې څخه د مننې ترڅنګ یاده مرسته اړینه و بلله او زیاته یې کړه چې یاد توکې به په پوره امانتوالۍ او روڼه توګه په زندانیانو ووشي.
د زندانونو چارو د سمون اداره تل هڅه کوي، څو زندانیانو لپاره په زندانونو کې د خپلې مالي بودیجې او همکارو داخلي او نړیوالو بنسټونو په ملاتړ د ژوند غوره اسانتیاوې برابرې کړي.
جمادي الاول ۶/ ۱۴۴۵
د مقام د دفتر ریاست
د اطلاعاتو اوعامه اړيکو امریت
