ولایتي خبرونه ( هرات، کندز، میدان وردګ ) دهرات د زندان له خوا د دې ولایت د توقیخونو اداري مسوولینو لپاره ۷ ورځنۍ ښوونیز سیمینار پای ته ورسېد
دهرات د زندان له خوا د دې ولایت د توقیخونو اداري مسوولینو لپاره ۷ ورځنۍ ښوونیز سیمینار پای ته ورسېد
د نوموړي ولایت د زندان د رئیس محترم الحاج ملا شراف الدین "مخلص" په خبره په دې سیمینار کې له دوو مجربو استادانو له لورې یادو توقیفخونو اداري مسوولینو ته د وړتیا لوړونې په موخه اړوندو اداري چارو په اړه زده کړې ورکړل شوې.
د هرات ولایت د زندان رئیس محترم مخلص د دې زندان او توقیفخونو د اداري مسوولینو د وړتیا لوړونې لپاره ګټور وبلل او له ګډونوالو یې وغوښتل، څو په دې سیمینار کې له ترلاسه کړیو معلوماتو او روزنو څخه د خپلو چارو په عملي برخه کې ښه ګټه واخلي.
په پای کې د یاد زندانونو مسوولنیو له لورې د سیمینار ګډونوالو ته ستاینلیکونه ورکړل شول.
د یو بل خبر له مخې، د کندز ولایت د ماشومانو د اصلاح او روزنې امریت سره د همکارو موسسو له لورې د اړتیا وړ توکو مرسته وشوه
د دې ولایت د مسوولینو په وینا یاد توکي چې قرطاسیه، د مینځولو توکي، د اوبو څښلو ترموزونه، سطلونه، تشتونه، او د اړتیا وړ نور توکي شامل دي، د دې ولایت د ماشومانو د اصلاح او روزنې امریت ته وسپارل شول.
داراز، نوموړي امریت مسوولینو د یادو بنسټونو څخه د مننې ترڅنګ یادې مرستې اړینې وبللې او ترخوا یې له نورو کورني او بهرینو بنسټونو څخه غوښتنه وکړه چې له دوی سره خپلو مرستو او همکاریو ته دوام ورکړي.
بل خوا بیا، د میدان وردګ ولایت د زندان مسوولینو د یاد ولایت د سید اباد ولسوالۍ له توقیفخونې څخه لیدنه وکړه
تېره ورځ د میدان وردګ ولایت د زندان یو پلاوي د دې ولایت د سید اباد ولسوالۍ د توقیفخونې څخه د ليدنې ترڅنګ، له مسوولینو سره پر اړوندو چارو خبرې وکړې.
داراز، پلاوي د نوموړي زندان له توقیفیانو سره په لیدنه کې د هغوی ستونزې او روا غوښتنې ترې له نږدې واورېدې او د حل په موخه یې ورته ډاډ ورکړ.
ربیع الاول ۹/ ۱۴۴۶
د مقام د دفتر ریاست
د اطلاعاتو او عامه اړیکو امریت