د سره صلیب نړۍوالې کمېټې له لوري د کابل ولایت له مرکزي توقیفحونې سره د یو اندازه اړتیا وړ توکو مرسته وشوه
د افغانستان لپاره د سره سلیب نړۍوالې کمېټې (ICRC) له لوري د کابل ولایت له مرکزي توقیفخونې سره د یادو روغتیايي او اړتیا وړ توکو کې د ځان پرمینځلو صابون، د جامو پرمینځلو پوډر، د غاښونو برس او کریم، د اوبو ترموز، دسترخوان، د لاسونو مینځلو مایع، کثافت دانۍ او یو شمېر نور توکي شامل دي، چې د یو لړ مراسمو په ترڅ کې د یادې توقيفخونې د مسوولینو له لوري په روڼه توګه پر شاوخوا تر (۲) زرو زیاتو توقیفیانو وويشل شول.
داراز، د نوموړې توقیفخونې رئیس محترم قاري محمد ګل "جیګرخون" د یادو مراسمو پرمهال چې د زندانونو چارو د سمون ادارې د اقتصادي برنامو او ستراتیژیکو اړیکو رئیس محترم عبیدالله "اخلاص" او یوشمېر نورو مسوولینو هم شتون درلود په خپلو خبرو کې د خوښۍ په څرګندولو یادې مرستې اړینې وبللې او ویې ویل: «زمونږ هدف د زندانیانو لپاره اړین خدمتونه وړاندې کول او لازمې اسانتیاوې برابرول دي.
په ورته وخت کې، محترم عبیدالله "اخلاص" وویل، ټول هېوادوال په ځانګړې توګه د زندانیانو کورنۍ دې ډاډه وي چې دې ادارې پورې اړوندو زندانونو کې د ټولو زندانیانو شرعي او انساني حقونه خوندي دي او دا اداره هڅه کوي چې هم له خپله اړخه او هم د مرستندویو بنسټونو د همکاريو پرمټ دوی ته لانورې اسانتیاوې او امکانات برابر کړي.
ذوالحجة الحرام ۶/ ۱۴۴۶
د مقام د دفتر ریاست
اطلاعاتو او عامه اړیکو امریت
