د فراه د زندان مسوولینو د دغه ولایت د عالمانو شورا او امر باالمعروف و نهي عن المنکر له استازو سره وکتل

د زندانونو چارو د سمون ادارې د فراه د زندان مسوولینو د یاد ولایت د عالمانو شورا د مرستیال او د امر با المعروف و نهي عن المنکر د استازو په ګډون راغلي پلاوي سره په خپل کاري دفتر کې وکتل او پر اړوندو مسایلو یې خبرې اترې وکړې.
داراز، دواړو خواوو په دې کتنه کې د دغه زندان د بندیانو لپاره د چمتو شویو دیني درسونو او اصلاحي پروګرامونو په اړه بحث او د نظرونو تبادله وکړه.
همداشان، یاد پلاوي د نوموړي زندان د بندیانو وضعیت له نږدې وارزاوه، د هغوی خبرې او روا غوښتنې یې واورېدې او له مسوولینو څخه یې د هغوی د برخلیک معلومولو او وضعیت لا ښه والي لپاره خپل نظرونه شریک کړل.
په ورته وخت کې، د فراه د زندان بندیانو له پلاوي سره په خبرو کې د دغه زندان د مسوولینو له چلنده د خوښۍ په څرګندولو سره وویل، دوی په دې هم خوښ دي، چې په زندان کې ورته د مناسبو ښوونیزو او روزنیزو پروګرامونو زمینه برابره شوې ده.

جمادي الاول ۱۸/ ۱۴۴۴
د اطلاعاتو او عامه اړیکو ریاست