د زندانونو چارو د سمون ادارې د رهبرۍ په دولسمه ناسته کې پر ځینو مهمو مسایلو خبرې وشوې

دغه ناسته، چې نن( پنجشنبې) د نوموړې ادارې د عمومي رئیس محترم مولوي محمد یوسف "مستري" په مشرۍ او د پالېسۍ او مسلکي مرستیال محترم قاري عبدالله "همدرد"، د مقام سلاکار محترم مولوي اسدالله "مولانا"، د مالي او اداري عمومي رئیس محترم مولوي عبدالهادي مالي "اخندزاد"، د کابل ولایت د زندانونو چارو د سمون رئیس محترم مولوي عبدالله "حقیق" او د مرکزي ادارو د رئیسانو، امرینو او ملکي او نظامي برخو یو شمېر مسوولینو په ګډون جوړه شوې وه، په کې هغو مسوولینو چې ورته د تېرې غونډې پرمهال دندې او چارې سپارل شوې وې، د ترسراوي د پرمختګ او دوام په اړه خپل ریپوټ شریک کړ، چې د رهبرۍ له خوا یې د پرمختګ ستاینه او په مناسبه توګه د پایته رسولو په هکله لازمې لارښوونې وشوې.
همداشان، د غونډې ګډونوالو له اجنډا سره سم په ژمي کې د ماشومانو د اصلاح او روزنې مرکزونو د محجوزینو د خونو تودولو لپاره د تدابیرو نیولو او امکاناتو برابرولو په اړه بحث او پرېکړه وکړه.
د نوموړې غونډې پرمهال، یو شمېر مسوولینو هم په اجنډا کې د شاملو نورو مسایلو په هکله خپلې خبرې او نظرونه تبادله کړل، چې د زندانونو چارو د سمون ادارې د عمومي رئیس له خوا یې تر اورېدو وروسته لازمې پرېکړې وشوې.
د زندانونو چارو د سمون ادارې د رهبرۍ نننۍ ناسته، د دعایې په ویلو سره پایته ورسېده.

ربېع الثاني ۱/ ۱۴۴۴
د اطلاعاتو او عامه اړیکو ریاست