د یوناما د دفتر له خوا د هرات ولایت د زندان پرسونل ته د بندیانو او توقیفیانو د ساتلو په اړه یو ورځینی روزنیز سیمینار جوړ شو

دغه سیمینار، چې د هرات ولایت د زندان او د یوناما دفتر د مسوولینو په ګډې همکارۍ جوړ شوی و، په کې د ا.ا.ا د عالیقدر مشرتابه له خوا د زندانونو چارو د سمون ادارې ته د استول شوې ۳۹ماده ییزې کړنلارې پر بنسټ د یاد زندان ملکي او نظامي پرسونل ته د بندیانو او توقیفیانو د ټولو بشري او شرعي حقونو د رعایت، مربوطه چارو ته د رسېدنې او ورته د خدمتونو وړاندې کولو په اړه مفصل معلومات او روزنه ورکول شوه.
د هرات ولایت د زندانونو چارو د سمون رئیس محترم ملا محمدنبي "خلیل" په دې اړه د جوړو شویو مراسمو په ترڅ کې خبرې وکړې او ویې ویل، چې د نوموړې کړنلارې په رڼا کې پوهاوی د دغه زندان پرسونل سره مرسته کوي، چې په خپلو چارو کې عدالت په ښه توګه عملي کړي.
داراز، محترم خلیل د یوناما دفتر له همکارۍ څخه د مننې ترڅنګ، له نورو همکارو ملي او نړیوالو بنسټونو او موسسو څخه وغوښتل، چې په رونیزو او نورو اړتیا وړ برخو کې ورسره همکاري وکړي.

ربېع الثاني-۱/ ۱۴۴۴
د اطلاعاتو او عامه اړیکو ریاست