د زندانونو چارو د سمون ادارې د امنیتي قرارګاه قطعې قوماندانۍ لپاره د ارکان نوي رئیس په دنده پېل وکړ
د زندانونو چارو د سمون ادارې د عمومي رئیس محترم مولوي محمدیوسف"مستري" په سپارښتنه او د ادارې له اړتیا سره محترم رحمت الله "عمري" چې تر دې مخکې د لوګر ولایت د زندان امر و، د زندانونو چارو د سمون ادارې د قرارګاه د امنيتي قطعې قوماندانۍ د نوي ارکان رئیس په توګه پرسونل ته معرفي او نوموړي هم رسماً خپله دنده پیل کړه.
په دې اړه جوړو شویو مراسمو کې د یادې ادارې د نظامي چارو معاونیت د ارکان رئیس محترم پاسوال الحاج اسدالله "مولانا" تغییر او تبدیل د نظام یو اصل یاد کړ او له کارکوونکو څخه یې وغوښتل چې له نوي رئیس سره په کارونو کې پوره همغږي او همکاري وکړي.
په ورته وخت کې، د امنیتي قرارګاه قطعې قوماندانۍ د ارکان نوي رئیس محترم رحمت الله عمري ژمنه وکړله چې دغه دروند مسوولیت به په پوره ریښتینوالۍ او امانتدارۍ سره سرته رسوي او د خپلو ټولو مشرانو اطاعت به کوي.
رمضان المبارک ۱۲/ ۱۴۴۷
د مقام د دفتر ریاست
د اطلاعاتو او عامه اړیکو امریت
