د زندانونو چارو د سمون ادارې د نظامي چارو مرستیال او مل پلاوي یې د کابل ولایت له نشه يي توکو سره د مبارزې له توقیفخونې لیدنه وکړه
د زندانونو چارو د سمون ادارې د نظامي چارو مرستیال او مل پلاوي یې د کابل ولایت له نشه يي توکو سره د مبارزې له توقیفخونې لیدنه وکړه
د دغې ادارې د نظامي چارو مرستیال محترم لوی پاسوال قاري حبیب الله "بدر" او ورسره مل پلاوي یې تېره ورځ د کابل ولایت له نشه يي توکو سره د مبارزې د توقیفخونې له مسوولینو سره ولیدل او د توقیفیانو په اړوند مسایلو یې ورسره خبرې اترې وکړې.
داراز، د محترم لوی پاسوال قاري حبیب الله بدر په مشرۍ پلاوي د نوموړې توقیفخونې توقیفیانو سره هم له نږدې وکتل، د هغوی وضعیت یې وارزاوه چې توقیفیانو د برابرو شویو، خدمتونو او اسانتیاوو برابرولو له امله د مننې ترڅنګ، له دوی سره د مسوولینو له نیک چلند څخه خوښي وخوده.
همدا راز، پلاوي د نوموړې توقیفخونې مسوولينو ته د توقیفیانو لپاره د اسانتياوو پر لا زیاتولو، ستونزو او روا غوښتنو ته یې د رسېدنې په موخه لازمې سپارښتنې وکړې.
داراز، د نظامي چارو مرستیال لوی پاسوال قاري حبیب الله بدر په مشرۍ پلاوي د دې توقیخونې د خوړو (اعاشې)، اباتې، پخلنځي، تعمیراتي او روغتیايي چارې، امنیتي پوستې، ټاورونه او قراولونه وارزول او د شتو ستونزو د حل لپاره یې اړوند مسوولینو ته لازمې او د پام وړ لارښوونې وکړې.
ربیع الاول ۲۱/ ۱۴۴۶
د مقام د دفتر ریاست
د اطلاعاتو او عامه اړیکو امریت
