ولايتي خبرونه ( میدان وردګ، بغلان، بنجشیر) د میدان وردګ ولایت د زندان مسوولینو د یاد ولایت د نرخ ولسوالۍ له توقیفخونې څخه لیدنه وکړه

تېره ورځ د میدان وردګ ولایت د زندان د امر محترم مولوي صلاح الدین په مشرۍ پلاوي د دې ولایت د نرخ  ولسوالۍ له توقیفخونې څخه د ليدنې ترڅنګ، له مسوولینو سره پر  اړوندو چارو خبرې وکړې.

داراز، پلاوي د دغې ولسوالۍ د توقیفخونې له توقیفیانو سره ولیدل او هغوی هم له نوموړي پلاوي څخه د دوی د وضعیت او حال د ارزونې له کبله د مننې تر څنګ خپلې ستونزې او غوښتنې شرېکې کړې چې د پلاوي له لورې د هغوی دې غوښتنو ته د رسېدنې، د هغوی د حقونو رعایتولو او ورته د لازمو اسانتیاوو د برارولو ژمنه وشوه.

د یو بل خبر له مخې، د بغلان ولایت د زندان د نظامي مدیر په مشرۍ یوه پلاوي د دې ولایت د مرکزي بغلان ولسوالۍ د توقیفخونې له  امنیتي وضعیت څخه ارزونه وکړه.

داراز، پلاوي د نوموړي توقیفخونې له مسوولینو او توقیفیانو سره هم ولیدل د هغوی ستونزې او غوښتنې یې ترې له نږدې واورېدې او د حل په موخه یې ورته ‌ډاډ ورکړ.

بل لور بیا، د ينجشېر د زندان مسوولینو تېره ورځ د دغه ولایت د عدلي او قضايي اورګانونو یوه پلاوي سره په خپل کاري دفتر کې ولیدل او د زندانیانو د محاکماتي چارو او دوسیو څېړلو په هکله یې ورسره خبرې اترې وکړې.

داراز، پلاوي د پنجشېر ولایت له زندانیانو سره هم له نږدې ليدلي د هغوی ستونزې او غوښتنې یې اورېدلي، چې زندانیانو د پلاوي په ورتګ خوښي څرګنده کړه او د خپلو جرمي دوسیو د ژر څېړلو غوښتنه يې ترې وکړه.

په ورته وخت کې، یاد پلاوي زندانیانو ته ډاډ ورکړ چې دوی به  یې د جرمي دوسیو په برخه کې خپلو چارو ته چټکتیا ورکړي.

داراز، د دې ولایت د زندان یوه پلاوي د یاد ولایت د درې ولسوالۍ د توقیفخونې له مسوولینو سره لیدلي او نوموړو ته یې په خبرو کې د توقیفیانو د محکماتي چارو د لا اسانتيا او د نورو ښو خدمتونو د رامنځ ته کولو په موخه لازمې لارښونې کړي.

داراز، نوموړي پلاوي د دې توقیفخونې له توقیفیانو سره هم لیدلي د هغوی ستونزې او غوښتنې یې له نږدې اورېدلي او د نوموړو غوښتنو ته د رسېدنې، د هغوی د حقونو رعایتولو او ورته د لازمو اسانتیاوو  د برارولو په هدف د دوی غږ تر ادارې پورې د رسوولو ژمنه وکړه.

محرم الحرام ۳/ ۱۴۴۶

د مقام د دفتر ریاست

د اطلاعاتو او عامه اړیکو امریت