د زندانونو چارو د سمون اداره کې نوې ګومارنې وشوې
د نوموړې ادارې د رهبرۍ په منظورۍ او اړتیا ته په کتو، محترم حاجي ملا بهاوالدین چې د کابل ولایت د ماشومانو د اصلاح او روزنې مرکز ریاست په ۳رتبه بست کې د پالېسۍ او مسلکي چارو د سمبالښت په توګه دنده درلوده، تبدیل او د یاد ریاست په ۳رتبه بست کې د بند او خلاص مرکز د امر په توګه او محترم زمریالی انوري چې د ادارې د داخلي پلټنې ریاست په ۳رتبه بست کې د مالي او عملیاتي پلټنې امر په توګه دنده درلوده، تبدیل او د کابل ولایت د ماشومانو د اصلاح او روزنې مرکز ریاست ۳رتبه بست کې د پالېسۍ او مسلکي چارو د سمبالښت د امر په توګه په دنده وګومارل شول.
په ورته وخت کې د کابل ولایت د ماشومانو د اصلاح او روزنې مرکز رئیس محترم مولوي نظر محمد "ناصري" د یو لړ مراسمو پرمهال په یاد مرکز کې نوي ګومارل شوي امرین اړوند ملکي او نظامي پرسونل ته معرفي کړل او په چارو کې یې ورته د بریالتیوب هیله وکړه.
داراز، محترم مولوي نظر محمد ناصري له دواړو نويو ګومارل شویو امرینو څخه د ورسپارل شویو چارو د ښه پرمخ وړلو لپاره د نه ستړې کېدونکو هلوځلو د دوام غوښتنه وکړه.
په ورته وخت کې، نویو ګومارل شویو امرینو په خپلو خبرو کې وویل: «زموږ موخه ادارې او هېواد ته خدمت کول دي، نو په دې برخه کې د مشرانو اطاعت به کوو او راسپارل شوي مسوولیتونه به په پوره رېښتینولۍ او امانتدارۍ ترسره کوو».
ذوالقعدة الحرام ۱۸/ ۱۴۴۵
د مقام د دفتر ریاست
د اطلاعاتو او عامه اړیکو امریت
