د کابل ولایت د توقیفخونو رئیس د دغه ولایت د مرکزي توقیفخونې د اړوندو مسوولینو سره د زندانیانو د خوشې کولو بهير د نوې کړنلارې په اړه ناسته ترسره کړه
د کابل ولایت د توقیفخونو رئیس محترم قاري محمدګل "جګرخون" د کابل ولایت د څرخي پله مرکزي توقیفخونې له ملکي او نظامي امرینو، مدیرانو سره په خپل کاري دفتر کې ولیدل او د زندانیانو د خوشې کولود بهير د نوې کړنلارې په اړه د معلوماتو ترڅنګ یې په اړوندو نورو مسایلو ورسره خبرې وکړې.
داراز، په دې ناسته کې د دغې توقیفخونې مسوولینو د خپلو کاري کړنو په اړه د معلوماتو ورکولو ترڅنګ، یو لړ غوښتنې او ستونزي د کابل ولایت د توقیفخونو رئیس سره شریکې کړې.
په ورته وخت کې، محترم جګرخون د دې توقیفخونې د مسوولینو کړنې وستایلې او د کاري چارو د لاښه پرمخ وړلو په موخه يې ورته لازمې سپارښتنې وکړې.
همداراز، نوموړي د یادې ناستې ګډونوالو ته په خبرو کې زیاته کړه: « د ادارې د نظم په ساتلو کې کوټلي ګامونه پورته، د خپلو امرینو اطاعت وکړئ او درسپارل شوي مسوولیتونه په پوره رېښتینوالۍ، د شرعي اصولو او تقنیني اسنادو په رڼا کې سرته ورسوئ».
رجب المرجب ۱۵/ ۱۴۴۵
د مقام د دفتر ریاست
د اطلاعاتو او عامه اړیکو امریت
