د میدان وردګ ولایت د جلریز ولسوالۍ توقیفخونه فعاله او ګتې اخیستنې ته وسپارل شوه
د زندانونو چارو د سمون ادارې د عمومي رئیس محترم مولوي محمدیوسف "مستري" په سپارښتنه او اړتیا ته په کتو سره سم، د میدان وردګ ولایت د جلریز ولسوالۍ د توقیفخونه د دې ولایت د مسوولینو په هڅو چې د یادې ولسوالۍ د ولسوال، امنیه قوماندان، محکمې رئیس د استخباراتو مسوولینو هم شتون درلود، یاده توقیفخونه فعاله او د یو لړ مراسمو په ترڅ کې ګټې اخیستنې ته و سپارل شوه.
په ورته وخت کې د یاد ولایت د زندان امر مولوي صلاح الدین په خپلو خبرو کې وویل: چې نوموړې توقیفخونه په معیاري ډول جوړه شوې او د لمریزې بریښنا او د اوبو رسولو منظم سیستم په لرلو سره د یادې توقیفخونې پرسونل او توقیفیانو لپاره لازمې اسانتیاوې ورته برابرې شوي دي.
داراز، نوموړي زیاته کړه چې یاده توقیفخونه تر لسګونو تنو پورې د توقیفیانو د ساتنې ظرفیت لري چې تر ډیره بریده به د یادې ولسوالۍ د توقیفیانو ستونزې هوارې او چارو ته به یې پر وخت رسېدنه کیږي.
ربیع الاول ۳/ ۱۴۴۵
د مقام د دفتر ریاست
د اطلاعاتو او عامه اړیکو امریت
