د زندانونو چارو د سمون ادارې د ګومارنو، تشکيلاتو او د چارو د تنظيم کمېسیون نولسمه ناسته جوړه شوه
ياده ناسته، چې نن(پنجشنبې) د نوموړې کمېسیون د رئیس او د ادارې د پالېسۍ او مسلکي مرستيال محترم قاري عبدالله "همدرد" په مشرۍ او د نظامي مرستیال محترم پاسوال قاري حبیب الله "بدر"، د مالي او اداري عمومي رئیس محترم مولوي عبدالهادي مالي "اخندزاده"، د اداري او خدماتو رئیس محترم مولوي عبدالمالک "خاکسار"، د تدارکاتو رئیس محترم زمریالی "انوري" او د کابل د څرخي پله مرکزي زندان د ګارنېزیون قومندان محترم مولوي شرافت الله "حقاني" په ګډون جوړه شوې وه، په کې پر يوشمېر تخنیکي او نورو اړتیا وړ مهمو موضوعګانو خبرې اترې او پرېکړې وشوې.
د یادونې وړ بولو، چې د زندانونو چارو د سمون ادارې د ګومارنو، تشکيلاتو او د چارو د تنظيم کمېسیون د رامنځته کېدو موخه د ادارې د تشکيلاتو، ګومارنو او د چارو د سمون او اړوندو مهمو مسایلو څېړل، بحث او پرېکړې کول دي.
جمادي الاول ۷/ ۱۴۴۴
د اطلاعاتو او عامه اړيکو رياست
