د زندانونو چارو د تنظیم ادارې پلاوي د ارزګان ولایت د زندان نوي بلاک د رغنیزو چارو او روغتون څخه لیدنه وکړله
د زندانونو چارو د تنظیم ادارې د تعمیراتو رئیس محترم حاجي ملا عبدالله "بلال " او د دې ادارې د روغتیا رئیس په ګډون پلاوي د ارزګان ولایت زندان ته سفر وکړ او هلته یې د نوي بلاک د رغنیزو چارو له بهیر څخه لیدنه وکړله.
د یادې لیدنې پر مهال پلاوي د نوي بلاک د رغنیزو چارو بهیر له نږدې وڅېړه او د ساختماني چارو د پرمختګ، کیفیت او ښه تطبیق په اړه یې ارزونه وکړله او د چارو د لا ښه پرمخ وړلو په موخه اړوند مسوولینو ته لازمې سپارښتنې وکړې.
بلخوا، د زندانونو چارو د تنظیم ادارې د روغتیا رئیس محترم ډاکتر سید احمد "اسحاقزي" د ارزګان ولایت زندان له روغتون څخه لیدنه وکړله او د روغتیايي خدمتونو د وضعیت، د ناروغانو د درملنې او د روغتیايي اسانتیاوو د برابرولو بهیر یې وڅېړه.
د دې لیدنو موخه د زندانونو د ودانیزو چارو څارنه، د روغتیايي خدمتونو ارزونه او د شته ستونزو د حل او اسانتیاوو د ښه والي لپاره د اړینو اقداماتو ترسره کول دي.
د زندانونو چارو د تنظیم اداره هڅه کوي چې د معیاري ودانیو او مناسبو روغتیايي خدمتونو په برابرولو سره د زندانونو وضعیت ښه او زندانیانو ته د اړینو خدمتونو وړاندې کول لا اغېزمن کړي.
جمادي الاول ۷/ ۱۴۴۸
د مقام د دفتر ریاست
د اطلاعاتو او عامه اړیکو امریت
