د زندانونو چارو د سمون ادارې د څرخي پله مرکزي زندان په انګړ کې د (اسلامي نظامي پیاوړتیا) تر سرلیک لاندې د کرکټ دوستانه سیالۍ پای ته ورسېده
دغه سیالۍ، چې د یادې ادارې د ښوونې او بیا روزنې ریاست په هڅو څرخي پله مرکزي زندان په انګړ کې د نظامي پرسونل د کرکټ پنځو لوبډلو ترمنځ پیل شوې وې، په پای لوبه کې د قطعې (اتفاق) لوبډلې د توقیفخونې (کابل بازانو)ته په ماتې ورکولو سره لمړی مقام تر لاسه او اتلولي یې خپله کړله.
د یادې سیالۍ لیدنې او هڅونې ته د ښوونې او بیا روزنې رئیس محترم مولوي نظر محمد "ناصري"، د نظامي ښوونې او روزنې واحد قوماندانۍ قوماندان محترم مل پاسوال مولوي نورالله "دروېش" او یو شمېر نور ملکي او نظامي مسوولین او مینوال هم راغلي وو.
د مسوولینو په وینا؛ د یاد سیالیو موخه د نظامي کارکوونکو او ورزش مینوالو ترمنځ یووالي، روحي او جسمي روغتیا او سلامتیا ترلاسه کول دي.
په ورته وخت کې، د یادې ادارې نظامي پرسونل د یادو دوستانه سیالیو برابرولو له امله مسوولینو څخه د مننې ترڅنګ د ورته نورو ورزشي برنامو جوړولو غوښتنه وکړله.
په پای کې، د مسوولینو له لورې د کرکټ دغه سیالیو بریالیو ګډونوالو ته مډالونو او ستاینلیکونو ورکړل شول.
ذوالقعده ۱۶/ ۱۴۴۷
د مقام د دفتر ریاست
د اطلاعاتو او عامه اړیکو امریت
