د کندز ولایت د زندان د نظامي مدیر په مشرۍ پلاوي د دې ولایت د امام صاحب او خان اباد ولسوالیو له توقیفخونو څخه څارنه او ارزونه وکړله
د کندز ولایت د زندان د نظامي مدیر په مشرۍ پلاوي یې تېره ورځ د نوموړي ولایت د خان اباد او امام صاحب ولسوالیو ته دې سفر پرمهال د یادو توقیفخونو مسوولینو ته زیاته کړله، چې له توقیفیانو سره ښه چلند، ستونزو ته یې په وخت رسېدنه او د هغوی د حقونو په رعایتولو کې جدي پاملرنه وکړي.
دا راز، پلاوي د نوموړو ولسوالیو توقیفخونو له توقیفیانو سره هم ولیدل او هغوی په خپلو خبرو کې د مسوولینو له خوا د ښه چلند او برابرو شویو اسانتیاوو له امله د مننې ترڅنګ، د اصولو سره سم ځینې غوښتنې لرلې، چې د پلاوي له لورې د هغوی دې غوښتنو ته د شرعي اصولو او نافذه قوانینو په رڼا کې د رسېدنې ژمنه وشوه.
رجب المرجب ۱۰/ ۱۴۴۷
د مقام د دفتر ریاست
د اطلاعاتو او عامه اړیکو امریت
