د کرنې وزارت د اراضۍ لوی رياست لخوا د زندانونو چارو د سمون ادارې ته ځمکه ولېږدول شوه
په دغه ناسته کې، چې د کرنې، اوبولګولو او مالدارۍ وزارت د اراضۍ په لوی ریاست کې جوړه شوې وه، د اراضۍ ادارې د ځمکو د انتقال او وېش رئیس محترم مولوي سید محمد "سعید" او د زندانونو چارو د سمون ادارې د تعمیراتو عمومي مدیر محترم سمونوال محمد حامد "علي زاده" ګډون درلود.
ياده ځمکه د زندانونو چارو د سمون ادارې په وړانديز او د عالیقدر امیرالمؤمنین (حفظه الله) د حکم په اساس د اراضۍ لوی رياست لخوا یادې ادارې ته د پروان ولايت مرکز کې په اته لس جريبه ځمکه باندې د مرکزي زندان د جوړولو په موخه ولېږدول شوه.
د یادونې ده چې د دغې ځمکې لېږد ټړون د کرنې وزارت د اراضۍ ادارې د ځمکو د انتقال او وېش رئیس محترم مولوي سيد محمد سعید او د زندانونو چارو د سمون ادارې د تعمیراتو عمومي مدیر محترم سمونوال محمد حامد علي زاده ترمنځ لاسلیک شو.
ربیع الاول ۱۱/ ۱۴۴۷
د مقام د دفتر ریاست
د اطلاعاتو او عامه اړیکو امریت
