ولایتي خبرونه: (میدان وردګ، بامیان) د میدان وردګ ولایت د زندان نظامي مرسیتال په مشرۍ پلاوي د دې ولایت د سید اباد او چک ولسوالیو د توقیفخونو څخه د ليدنې ترڅنګ، له مسوولینو سره یې پر اړوندو چارو خبرې وکړې.
داراز، پلاوي د نوموړو توقیفخونو له توقیفیانو سره په لیدنه کې د هغوی ستونزې او روا غوښتنې ترې له نږدې واورېدې او د حل په موخه یې ورته ډاډ ورکړ.
همداراز، نوموړي پلاوي د یادو توقیفخونو له مسوولینو سره په لیدنه کې د هغوی ښه خدمتونه وستایل او توقیفیانو سره پر ښه چلند یې ټینګار وکړ.
د یو بل خبر له مخې، د بامیان ولایت د زندان ریاست ملکي او نظامي پرسونل ته یو ورځنۍ سیمینار جوړ شو
دغه سیمینار چې د ملګرو ملتونو مرستندوی ماموریت (یوناما) د بشري حقونو برخې استازو له لورې د یاد ولایت د زندان ملکي او نظامي پرسونل لپاره جوړ شوی وو ګډونوالو ته د وړتیا لوړونې او د کارونو د ښه پرمخه وړلو په اړه معلومات وړاندې شول
داراز، د بامیان ولایت د زندان مسوولینو دا ډول پروګرامونه د ادارې د کارکوونکو د پوهې لوړونې په هدف غوره وبلل او ګډنوال یې وهڅول څو په غور سره په خپلو کاري چارو کې ترې ګټه پورته کړي.
ذوالقعدة الحرام ۲/ ۱۴۴۵
د مقام د دفتر ریاست
د اطلاعاتو او عامه اړیکو امریت
