ولایتي خبرونه: ( بغلان، سرپل، بادغیس ) د بغلان ولایت د زندان له زندانیانو سره د کوچنې اختر د رارسېدو په مناسبت د کالیو مرسته وشوه
د کوچني اختر رارسېدو سره سم د دې ولایت یو شمېر سوداګرو له لورې د یاد ولایت پر زندانیانو یوه یوه جوړه کالي وویشل شول .
په ورته وخت کې، د زندان مسوولینو د نوموړو سوداګرو څخه د مننې ترڅنګ په خیریه بنسټونو او د دې ولایت په نورو شتمنو هم غږ وکړ چې اړمنو کسانو لاسنېوی وکړي او د یاد زندان سره خپلو مرستو ته دوام ورکړي.
سرپل، بادغیس:
د یو بل خبر له مخې، د روژې د مبارکې میاشتې په مناسبت د سرپل او بادغیس ولایتونو په زندانونو کې د قرآن عظیمالشان ختمونه ترسره شول
د یادو ولایتونو د زندانونو د مسوولینو په وینا تیره ورځ د سرپل او بادغیس په زندانونو کې د روژې د مبارکې میاشتې په مناسبت د قرآنکریم د تفسیر دورې د ختم مراسم ترسره او د هېواد د لاښه امنیت، سولې، سوکالۍ، پرمختګ او یووالي لپاره د خیر دعاوې وشوې.
رمضان المبارک ۲۹/ ۱۱۴۴۵
د مقام د دفتر ریاست
د اطلاعاتو او عامه اړیکو امریت
