د کابل ولایت دماشومانو د اصلاح او روزنې له مرکز سره د خوراکي توکو مرسته وشوه
د دغه مرکز رئیس محترم مولوي نظرمحمد "ناصري" زیاتوي، چې د روژې مبارکې میاشتې په رارسېدو سره سم د دوو تنو خیرخواه هېوادوالو رفیع الله احمدزي او حامد لطیفي له لوریو د یاد مرکز له (۶۰۰) محجوزینو سره د روژه ماتې لپاره د برابرو شویو خوراکي توکو مرسته وشوه.
په دې مرسته کې چې (۲۰) کارتنه قیماق او یوه اندازه خرما شامل ول د یادو کسانو له لورو د یاد مرکز مسوولینو ته ورسپارل شول.
همدا راز، د کابل ولایت دماشومانو د اصلاح او روزنې مرکز رئیس د نوموړو کسانو څخه د یادې مرستې په موخه د مننې ترڅنګ نوموړو ته مننلیکونه هم ورکړل.
رمضان المبارک ۱۷/ ۱۴۴۵
د مقام د دفتر ریاست
د اطلاعاتو او عامه اړیکو امریت
