د پکتیا د مرافعې محکمې پلاوي د یاد ولایت د زندان زندانيانو ته د هغوی د جرمي دوسيو د ژر څېړلو ډاډ ورکړ
د پکتیا د مرافعې محکمې رئیس او د دې ولایت د قضايي برخې استازو د پکتیا د زندان له رئیس محترم ملا سعید "سهیل" سره د هغه په کاري دفتر کې وليدل او پر یو لړ اړوندو موضوعګانو يې خبرې اترې وکړې.
په ورته وخت کې، یاد پلاوي د پکتيا زندان له زندانیانو سره هم وکتل، هغوی ورته له خپله اړخه د مسوولینو چلند ښه یاد کړل او د خپلو جرمي دوسیو د ژر څېړلو غوښتنه کړې.
همداراز، پلاوي د پکتیا ولایت د زندان له مسولینو څخه زندانيانو ته د لازمو اسانتیاوو د رامنځته کولو په موخه ځانګړې مننه وکړې او زندانیانو ته يې ډاډ ورکړ، چې جرمي دوسيې به یې ژر وڅېړل شي.
ذو القعده- ۸/ ۱۴۴۴
د مقام د دفتر ریاست
د اطلاعاتو او عامه اړیکو امریت
