د پنجشیر ولایت والي او د زندانونو چارو د سمون ادارې نظامي مرستیال د دې ولایت د زندان څخه لیدنې ترڅنګ یې د نوموړي زندان د نوي کمپلیکس د بنسټ ډبره کېښوده
د پنجشیر والي محترم حافظ محمد اغا "حکیم" د نظامي چارو مرستیال محترم لوی پاسوال قاري حبیب الله بدر د ادارې د مقام دفتر رئیس محترم قاري رحمت الله"ګلزاد" د نوموړې ادارې د ښوونې او بیا روزنې رئیس محترم مولوي نظر محمد "ناصري" او یو شمېر نورو مسوولینو هم شتون درلود، د نوموړي ولایت له زندان څخه د لیدنې پرمهال د زندان له مسوولینو سره پر اړوندو مسایلو خبرې اترې وکړې او هغوی ورته له خپله اړخه د دې زندان او زندانیانو لپاره د برابرو شویو امکاناتو او لازمو خدمتونو په هکله بشپړ معلومات ورکړل، چې د پلاوي مشر یې تر اورېدو وروسته د خوښۍ په څرګندولو د هغو د لاښه والي لپاره ګټورې لارښوونې وکړې.
داراز، د پنجشیر محترم والي او د دې ادارې نظامي چارو مرستیال او مل پلاوي د یاد زندان له زندانیانو سره هم له نږدې ولیدل، د هغوی غوښتنې یې واورېدې او د دې ولایت د زندان مسوولینو سره په خبرو کې، د بندیانو لپاره د اسانتياوو پر زیاتولو، د هغوی غوښتنو ته د رسېدنې او د ښو خدمتونو پر وړاندې کولو ټینګار وکړ.
په پای کې، نوموړي پلاوي د دې زندان د ښوونې او بیا روزنې، خوړو، اباتې، پخلنځي، تعمیراتي او روغتیايي چارې، امنیتي پوستې، ټاورونه او قراولونه وارزول او د شتو ستونزو د حل لپاره یې اړوند مسوولینو ته لازمې او د پام وړ لارښوونې وکړې.
همداراز، د پنجشیر والي محترم حافظ محمد اغا حکیم، د زندانونو چارو د سمون ادارې د نظام چارو مرستیال محترم لوی پاسوال قاري حبیب الله بدر او مل پلاوي په ګډه یې د نوموړي ولایت د نوي زندان د کمپلیکس جوړولو ډبره هم کېښودل شوه.
د یادونې ده چې د پنجشیر ولایت د نوي زندان رغنیزې چارې د زندانونو چارو د سمون ادارې په مالي لګښت په پاخه اساسي ډول جوړیږي چې په بشپړېدو سره به یې د نوموړي ولایت د زندان زندانیانو ته لازمې اسانتیاوې برابرې او د تعمیراتي چارو ستونزې به هوارې شي.
ربېع الاخر ۲۲/ ۱۴۴۷
د مقام د دفتر ریاست
د اطلاعاتو او عامه اړیکو امریت
