د هرات د کډوالو او بیا راستنېدونکو چارو ریاست له خوا د دغه ولایت د زندان له ریاست سره د یو اندازه ژمنیو توکو مرسته وشوه
د هرات د کډوالو او بیا راستنېدونکو چارو ریاست نن(چهارشنبې) د کمپلو او جمپرونو په ګډون یو اندازه ژمني توکي د دغه ولایت د زندان ریاست ته وسپارل، چې د زندان د رئیس محترم مولوي محمدنبي خلیل او د هرات د کډوالو او بیا راستنېدونکو چارو ریاست د استازي له خوا پر یو شمېر هغو بندیانو باندې وویشل شول، چې تازه له ایران څخه د زندانونو چارو د سمون ادارې اړوند دغه زندان ته رالېږدول شوي وو.
د زندانونو چارو د سمون ادارې رهبري او مسوولین د ټولو زندانیانو لپاره د لازمو مرستو جلبول او پر هغوی یې په شفافه توګه ویشل او نورو ستونزو ته یې رسېدنه خپل مسولیت ګڼي او په دې لاره کې خپلو هڅو ته دوام ورکوي.
شعبان المعظم ۱۵/ ۱۴۴۴
د اطلاعاتو او عامه اړیکو امریت
