د زندانونو چارو د سمون ادارې یوه پلاوي د میدان وردګ ولایت له زندان لیدنه وکړله
د دې ادارې د کشف او اوپراتېفي رئیس محترم مولوي عبدالشکور "طیب" او داخلي تفتیش رئیس محترم مولوي فضل احمد "احمدي" په مشرۍ پلاوي د دې ولایت د زندان څخه د لیدنې پرمهال یې له اړوندو مسوولینو سره خبرې وکړې او هغوی هم ورته له خپله اړخه د زندانیانو لپاره د برابرو شویو امکاناتو او لازمو خدمتونو په هکله بشپړ معلومات ورکړل، چې د پلاوي مشر یې تر اورېدو وروسته د خوښۍ په څرګندولو د هغو د لا ښهوالي لپاره لازمې لارښوونې وکړې.
همداشان، پلاوي د یاد زندان له زندانیانو سره هم له نږدې ولیدل، د هغوی روا غوښتنې یې واورېدې او د رسېدنې په موخه یې د زندان مسوولین متوجه کړل.
داراز، پلاوي د میدان وردګ ولایت د زندان زندانیانو لپاره د روغتیايي چارو، پلورنځي، امنیتي پوستو، ټاورونو او قراولونو وضعیت وارزوه او د شته ستونزو د حل لپاره یې اړوند مسوولینو ته لازمې لارښوونې وکړې
رجب المرجب ۶/ ۱۴۴۶
د مقام د دفتر ریاست
اطلاعاتو او عامه اړیکو امریت
