د زندانونو چارو د سمون ادارې نظامي مرستیال د کابل ولایت د څرخي پله له مرکزي زندان څخه لیدنه وکړله
د دغې ادارې د نظامي چارو مرستیال محترم لوی پاسوال الحاج محمد کاظم "طارق" او ورسره مل پلاوي یې د کابل ولایت د څرخي پله مرکزي زندان له رئیس محترم الحاج مولوي عبدالمالک "خاکسار" سره ولیدل او د زندانیانو په اړوند مسایلو یې خبرې اترې او سلا مشورې وکړلې.
داراز، محترم الحاج محمد کاظم طارق او مل پلاوي د نوموړې زندان د پنځم او شپږم بلاکونو له زندانیانو سره هم له نږدې وکتل او وې ویل؛ تاسو زندانیان نه بلکې د مدرسې شاګردان او زمونږ میلمانه یاست زمونږ هڅه او هوډ دا ده چې تاسو ته د لاښه خوندي او مصئون چاپیریال سربېره ښه چوپړتیاوې او له کورنیو سره د لیدو کتو او نورو اسانتیاوو زمینه بربراه کړو، چې زندانیانو هم د دوی ورتګ او د مسوولینو چلند او هم له برابرو شویو چوپړتیاوو څخه خوښي څرګنده کړله.
همدا راز، پلاوي د نوموړې زندان مسوولينو ته د زندانیانو لپاره د اسانتياوو پر لا زیاتولو، ستونزو او روا غوښتنو ته یې د رسېدنې په موخه لازمې سپارښتنې وکړې.
په پای کې، د نظامي چارو مرستیال محترم لوی پاسوال الحاج محمد کاظم "طارق" په مشرۍ پلاوي د دې زندان پخلنځی، تعمیراتي او روغتیايي چارې، امنیتي پوستې، ټاورونه او قراولونه وارزول او د یاد زندان د مسوولینو له کړنو یې خوښی څرګنده کړله.
رمضان المبارک ۱۵/ ۱۴۴۷
د مقام د دفتر ریاست
د اطلاعاتو او عامه اړیکو امریت
