د تخار ولایت د زندان ۳۰ تنو نظامي پرسونل ته یو ورځینی روزنیز سمینار ترسره شو
د افغانستان لپاره د ملګرو ملتونو د استازولۍ یا یوناما دفتر په همکارۍ تېره ورځ، د نوموړي ولايت د زندان ياد شمېر نظامي پرسونل ته په دې يو ورځيني روزنيز سیمینار کې، د ظرفیت لوړونې او د بشرې حقونو د اصولو او معیارونو د رعایت په اړه لازم معلومات وړاندې شول.
د دغه سيمينار ګډونوالو د دا ډول پروګرامونو پلي کول د دوی د ورځنيو چارو په ښه او معياري توګه ترسره کولو لپاره ګټور بللو ترڅنګ، د زده کړو مسايلو د عملي کولو ژمنه يې وکړه.
د زندانونو چارو د سمون اداره د يوناما دفتر دا ګام ستايي او له يوناما او نورو ملي او نړيوالو همکارو اورګانونو او بنسټونو څخه په بېلابېلو برخو کې د همکارۍ هيله لري.
ربېع الثاني- ۸/ ۱۴۴۴
د اطلاعاتو او عامه اړیکو ریاست
