د کونړ او نورستان ولایتونو د زندانونو لپاره نوي نظامي مدیران په دنده وګومارل شول
د زندانونو چارو د سمون ادارې د عمومي رئیس محترم الحاج مولوي محمدیوسف"مستري" په سپارښتنه او د نوموړو ولایتونو د زندانونو د مسوولینو له لورې د کونړ زندان لپاره محترم احسان الله "محسني" او د نورستان زندان لپاره او محترم مولوي محمد یعقوب "اسد" د نویو نظامي مدیرانو په توګه د زندان پرسونل ته په جلا جلا توګه معرفي او رسماً یې په دې بستونو کې خپلې دندې پیل کړې.
داراز، په دې اړه په جوړو شویو مراسمو کې د ننګرهار ولایت د زندان رئیس محترم مولوي سهیل "سعید" او یو شمېر سیمه ییزوو مسوولینو شتون درلود، د نوموړو ولایتونو د زندانونو د مخکینيو نظامي مسوولینو کړنې او فعالیتونه وستایل او د یادو زندانونو له ملکي او نظامي پرسونل څخه یې له اوسنيو مسوولینو سره د همکارۍ او په ګډه د چارو ښه پرمخ وړلو غوښتنه وکړله.
همداراز، نویو ګومارل شویو نظامي مدیرانو هم د ادارې له خوا دوی ته د دې مسوولیتونو د سپارلو له کبله مننې ترڅنګ یې وویل چې دا مسوولیت یو امانت دی او په ښه توګه د ساتلو ترڅنګ به ورسپارل شوې چارې په صداقت سره ترسره کوي.
همداشان، محترم مولوي سهیل سعید په پای کې د نورستان ولایت د زندان د امنیتي پوستو، پخلنځي، روغتیا او صنعتي برخو څخه په جلا جلا توګه لیدنه وکړله او اړوند مسوولینو ته یې د لا ښوالي او پاملرنې په موخه لازمې لارښونې وکړې.
جمادي الاول ۲۵/ ۱۴۴۷
د مقام د دفتر ریاست
د اطلاعاتو او عامه اړیکو امریت
