د زندانونو چارو د سمون ادارې د پالیسۍ او مسلکي مرستیال او مل پلاوي يې د ادارې د بشري سرچینو ریاست له چارو څخه د څارنې ترڅنګ د کارکوونکو د حاضرۍ د کتاب ارزونه وکړه
د دغې ادارې د پالیسۍ او مسلکي چارو مرستیال محترم قاري عبدالله "همدرد" په مشرۍ پلاوي په داسې حال کې چې د ادارې د کورني تفتیش رئیس محترم مولوي فضل احمد "احمدي" او یو شمېر نور مسوولین هم ورسره وو، د یاد ریاست له رئیس محترم مولوي ضیاء الرحمن "سعید" او کارکونکو سره وليدل او د هغوی د کړنو او لاسته راوړنو په تړاو یې معلومات ترلاسه کړل.
په ورته وخت کې، پلاوي د یادې ارزونې په ترڅ کې اړوندو مسوولینو ته په خبرو کې زیاته کړه: «که په اداري چارې کې کارکونکي خپل مسوولیتونه پروخت او ښه ډول ادا کړي هم به د ادارې کامیابي وي او هم به د مراجعینو کارونه په خپل وخت سره ترسره شي چې دا مو د مسوولیت ترڅنګ هم دیني او هم ملي وجیبه ده».
داراز، پلاوي د ادارې د بشري سرچینو ریاست مسوولینو ته لارښوونه وکړه څو د حاضرۍ په برخه کې د قانون او اصولو مطابق په خپل ټاکل شوي وخت سره سم مخ ته لاړشي څو عدالت پلی، کارکونکي بې له کوم خنډ او زنډ څخه خپلو چارو ته رسېدنه وکړي.
دغه راز، د پالیسۍ او مسلکي چارو مرستیال محترم قاري عبدالله "همدرد" په وينا، د ادارې د اړوندو برخو له ارزونې څخه یې هدف د چارو ښه پرمخ وړل، د اصلاحاتو راوستل او د کارکونکو اصولي وړانديزونو ته په وخت رسېدنه ده.
ذوالحجة الحرام ۱۸/ ۱۴۴۵
د مقام د دفتر ریاست
د اطلاعاتو او عامه اړیکو امریت
