د زندانونو چارو تنظیم ادارې کې نوې ګومارنې وشوې
د زندانونو چارو د تنظیم ادارې د پالېسۍ او مسلکي چارو مرستیال محترم الحاج قاري محمد بلال "فاتح" له لوري، محترم ملا محمد عالم "معتصم" د مل پاسوال په بست کې د څرخي پله مرکزي زندان د ریاست د امنیتي مرستیال په توګه او محترم مولوي محمود "فیاض" د سمونوال په بست کې د ښوونیز مرکز د نوي قوماندان په توګه د یاد زندان پرسونل ته معرفي شو.
محترم الحاج قاري محمد بلال "فاتح" د یادو مراسمو پرمهال په داسې حال کې، چې د نظامي چارو معاونیت د ارکان رئیس محترم پاسوال الحاج اسدالله "مولانا"، د څرخي پله مرکزي زندان رئیس محترم قاري محمد ګل "جګرخون"، د نظامي ښوونې او روزنې واحد قوماندانۍ قوماندان محترم مل پاسوال مولوي نورالله "دروېش"او یو شمېر نورو مسوولینو هم شتون درلود، د مخکینیو مسوولینو کړنې او فعالیتونه وستایل او پرسونل څخه یې له نويو مسوولینو سره د همکارۍ او په ګډه د چارو ښه پرمخ وړلو لارښوونه وکړله.
په ورته وخت کې، نویو ګمارل شویو مسوولینو هم په خپلو خبرو کې د ادارې له خوا نوموړو ته د دې مسوولیت د سپارلو له کبله مننه وکړله او دا مسوولیت يې یو امانت یاد کړ او په ښه توګه د ساتلو ترڅنګ یې د دغه مسوولیت پر وخت ترسره کولو ډاډ ورکړ.
ربیع الثاني ۱/ ۱۴۴۸
د مقام د دفتر ریاست
د اطلاعاتو او عامه اړیکو امریت
