د کابل ولایت د مرکزي محبس رئیس د سره صلیب نړۍوالې کمېټې له استازو سره وکتل
د څرخي پله مرکزي محبس رئیس محترم الحاج عبدالمالک "خاکسار" نن (سې شنبې) د افغانستان لپاره د سره صلیب نړۍوالې کمېټې له پلاوي سره په خپل کاري دفتر کې د دې کتنې پرمهال د یادې کمېټې له مرستو او همکاریو مننه وکړه او هیله یې څرګنده کړه، چې دا کمېټه دې د زندانونو د وضعیت د لا ښه والي لپاره خپله پاملرنه لا نوره هم زیاته کړي.
داراز، د کابل ولایت د مرکزي محبس رئیس نوموړي پلاوي ته ډاډ ورکړ، چې د دوی مرسته شوي توکي تل په پوره شفافیت او روڼه توګه پر ښځينه او نارینه محبوسینو ویشل کېږي، چې پلاوي د یاد مطلب په څرګندولو خوښي وښوده او ژمنه یې وکړه، چې تر خپلې وسې به په دې برخه کې هڅې کوي.
د یادولو ده، چې د سره صلیب نړۍواله کمېټه د زندانونو چارو د سمون ادارې له همیشنیو مرسته کوونکو او همکارو بنسټونو څخه ګڼل کېږي، چې زندانیان یې تل له مرستو برخمن شوې دي.
شوال المکرم ۱۰/ ۱۴۴۶
د مقام د دفتر ریاست
د اطلاعاتو او عامه اړیکو امریت
