د څرخي پله مرکزي زندان لپاره نوی د کشف او اوپراتېفي مدیر وټاکل شو
په دې اړه جوړو شویو مراسمو کې، د څرخي پله مرکزي زندان رئیس محترم قاري محمد ګل"جګرخون"، د کشف او اوپراتېفي رئیس محترم مل پاسوال مولوي عبداللطیف "سجاد"او یو شمېر نورو مسوولینو هم شتون درلود، محترم سمونوال قاري احمد ګل "احمدي" د نوموړي زندان لپاره د کشف او اوپراتېفي نوي مدیر په توګه پرسونل ته معرفي کړ.
داراز، د څرخي پله مرکزي زندان رئیس په خپلو خبرو کې زیاته کړله، په ادارو کې تغییر او تبدیل د نظام یو مهم اصل دی او د چارو د لاپیاوړتیا په موخه ترسره کیږي.
همداشان، محترم قاري محمد ګل جګرخون د نوموړي زندان له پرسونل څخه غوښتنه وکړله چې له نوي مدیر سره د کار په برخه کې بشپړه همکاري او همغږي ولري.
په پای کې، محترم قاري احمد ګل احمدي ژمنه وکړله، چې دغه دروند مسوولیت به په ریښتینولۍ او امانتدارۍ ترسره او د خپلو مشرانو لارښوونې به په بشپړ ډول عملي کوي او د زندان چارو د لا ښه والي لپاره به هڅې روانې وساتي.
ربیع الثاني ۱/ ۱۴۴۸
د مقام د دفتر ریاست
د اطلاعاتو او عامه اړیکو امریت
