د ازادۍ سلب پرځایونو د څارنې ریاست د پلاوي له لورې د کابل ولایت د څرخي پله د ښځینه محبس ارزونه پایته ورسېده

د زندانونو چارو د سمون ادارې د رهبرۍ په لارښونه نن(سې شنبې) د یو لړ مراسمو په ترڅ کې، د نوموړي ریاست یوه پلاوي د کابل ولایت د ښځینه محبس د وضعیت او چارو ارزونه بشپړه او له مسوولینو سره یې د هغو د پایلو شریکولو ترڅنګ، پرځینو مربوطه مهمو مسایلو خبرې اترې وکړې.
د پلاوي په وینا، دوی په کره توګه د یاد محبس د ښوونیزو او اصلاحي پروګرامونو، اداري او کاري شعبو، روغتیایي، اعاشوي او اباتوي خدمتونو، د ښځینه محبوسینو‎ د بشري او اسلامي حقونو د رعایتولو او د هغوی د جرمي دوسیو پر وخت تعقیبولو او یو شمېر نورو برخو ارزونه وکړه.
  داراز، نوموړي پلاوي د کابل د ښځېنه محبس د ارزونې ترپایته رسېدو وروسته د دې محبس چارې تر ډېره مثبتې یادې کړې، ځینې نيمګړتیاوې یې په ګوته او له مسولینو سره یې د هغو د حل په موخه بحث او سلا مشورې وکړې.

ذوالحجه ۲۳/ ۱۴۴۴
د مقام د دفتر ریاست
د مطبوعاتو او عامه اړیکو امریت