د زندانونو چارو د سمون ادارې د نظامي پرسونل لپاره د عقیدتي زده کړو نوې بهیر پیل شو
یاد بهیر د دغې ادارې د عمومي رئیس محترم مولوي محمدیوسف "مستري" په لارښوونه، نن(دوشنبې) د ادارې د ارشاد او دعوت رئیس محترم مولوي صدیق الله "صدیقي"، د ښوونې او بیا روزنې رئیس محترم مولوي عبدالوارث "سادات" او یو شمېر نورو مسوولینو په ګډون د یو لړ مراسمو په ترڅ کې د ادارې د مرکزي برخو نظامي پرسونل لپاره پیل شو.
محترم مولوي صدیقي د دې مراسمو پرمهال خپلو خبرو کې د عقیدتي زده کړو د نوي بهیر د پیلېدو موخه د پرسونل د دیني او فکري روحیې لوړول وبلل.
دا راز، نوموړي زیاته کړه، په دغه بهیر کې به هغو نظامیانو ته چې د ډېرو بوختیاوو له امله نه شي کولای درسي ټولګیو ته حاضر شي د ادارې له خوا په امنیتي ټاورونو، قراولونو او پوستو کې د زده کړو زمینه برابره شي او د منظم مهال وېش سره سم به استادان ورته تدریس ورکوي.
ذوالحجه ۲۲/ ۱۴۴۴
د مقام د د فتر ریاست
د اطلاعاتو او عامه اړیکو امریت
