د زندانونو چارو د سمون ادارې د نظامي معاونیت د ارکان رئیس په مشرۍ پلاوي د هلمند ولایت له زندان څخه لیدنه وکړله
د محترم پاسوال الحاج اسدالله "مولانا" په مشرۍ پلاوي له نوموړي زندان څخه د لیدنې پرمهال لومړی د دې زندان له رئیس محترم ملا بهاء الدین سره ولیدل، چې نوموړي ورته له خپله اړخه د دې زندان زندانیانو لپاره د برابرو شویو امکاناتو او لازمو خدمتونو په هکله معلومات ورکړ.
داراز، د دې ادارې د نظامي چارو معاونیت د ارکان رئیس او مل پلاوي یې د یاد زندان د زندانیانو سره هم له نږدې ولیدل، د هغوی روا غوښتنې یې واورېدې او د رسېدنې په موخه یې د دې مرکز مسوولینو سره سلامشورې وکړلې.
په پای کې، د محترم پاسوال الحاج اسدالله "مولانا" په مشرۍ پلاوي د هلمند ولایت د محبس زندانیانو لپاره له خوړو(اعاشې)، اباتې، پخلنځي، برېښنا، تعمیراتي او روغتیايي چارې، امنیتي پوستې، ټاورونه او قراولونه ولیدل او د ښو خدماتو له شتون څخه یې خوښي څرګنده ګړله.
شعبان المعظم ۲۹/ ۱۴۴۷
د مقام د دفتر ریاست
د اطلاعاتو او عامه اړیکو امریت
