ولایتي لنډ خبرونه: (پکتیا، سرپل) د پکتیا ولایت په زندان کې د زندانیانو تر منځ د والیبال دوستانه سیالیو تورنمنټ پیل شو
پکتیا ولایت د زندان مسوولین وايي تېره ورځ په یاد زندان کې د زندانیانو د سالمې روزنې په موخه ورزش مینه والو ته د زندانیانو ترمنځ د والیبال سیالیو تورنمنټ په لاره وچول شو.
د دې ولایت د زندان رئيس محترم مولوي سهيل "سعيد" په وینا دغو سیالیو موخه د زندانیانو ترمنځ د یوې ښې سالمې فضا رامنځ ته کول وو، څو له یوې خوا زندانیان د خپګان احساس ونه کړي او له بلې خوا ورته د ورزش زمینه برابره شي او پرمټ یې روحي او جسمي روغتیا او سلامتیا ترلاسه کړي.
په ورته وخت کې، د پکتیا ولایت د زندان زندانیانو د یادو دوستانه سیالیو د برابرولو له امله مسوولینو څخه د مننې ترڅنګ ژمنه وکړه چې د زندان له خوا به په نورو جوړو شویو مثبتو پروګرانونو کې هم د تل په شان برخه واخلي.
د یو بل خبر له مخې، د سرپل ولایت د زندان لپاره نوی نظامي مدیر په دنده وګومارل شو
د دې ولایت د زندان مسوولینو له لورې محترم مولوي عزت الله د یاد ولایت د زندان د نوي نظامي مدیر په توګه د زندان پرسونل ته معرفي او رسماً یې په دې بست کې خپله دنده پیل کړه.
داراز، په دې اړه په جوړو شویو مراسمو کې ویناوالو د نوموړي ولایت د زندان د مخکیني نظامي مسوول کړنې او فعالیتونه وستایل او د یاد زندان له ملکي او نظامي پرسونل څخه یې له اوسني مسوول سره د همکارۍ او په ګډه د چارو ښه پرمخ وړلو غوښتنه وکړه.
محترم مولوي عزت الله هم د ادارې له خوا ده ته د دې مسوولیت د سپارلو له کبله مننه وکړه او ویې ویل چې دا مسوولیت یو امانت دی او په ښه توګه د ساتلو ترڅنګ به ورسپارل شوې چارې پروخت ترسره کوي.
ذوالقعدة الحرام ۱۰/ ۱۴۴۵
د مقام د دفتر ریاست
د اطلاعاتو او عامه اړیکو امریت
