په ننګرهار کې له ۱۰۰ تنو پخوانیو خوشې شویو بندي مجاهدینو سره د خوراکي توکو مرسته وشوه
تېره ورځ د یاد ولایت د خوشې شویو بندي مجاهدینو د کمېسیون په هلوځلو او د پېښو پر وړاندې د چمتووالي ریاست له لورې ۱۰۰ تنو پخوانیو خوشې شویو بندي مجاهدینو سره د یو لړ برابرو شویو خوراکي توکو مرسته وشوه.
داراز، نوموړو مجاهدینو د ننګرهار ولایت د پېښو پر وړاندې د چمتووالي له ریاست څخه د یادې مرستې په موخه د مننې ترڅنګ ورسره شوې مرسته اړینه وبلله او له نورو داخلي او نړیوالو بنسټونو څخه یې هم په ورته مرستو او همکاریو ټینګار وکړ.
شعبان المعظم ۲۰/ ۱۴۴۵
د مقام د دفتر ریاست
د اطلاعاتو او عامه اړیکو امریت
