د زندانونو چارو د سمون ادارې د پالېسۍ او مسلکي چارو مرستیال په مشرۍ پلاوي د ادارې ۵۰ بستریز روغتون څخه لیدنه وکړه
د دې ادارې د پالېسۍ او مسلکي چارو مرستیال محترم قاري عبدالله "همدرد" په داسې حال کې چې د دې ادارې د روغتیا رئیس محترم مولوي عبداللطیف "سجاد" او یو شمیر مسوولین هم ور سره ول، د ادارې ۵۰ بستریز روغتون څخه لیدنه وکړه.
د پالېسۍ او مسلکي چارو مرستیال محترم قاري عبدالله همدرد د یاد روغتون مسوولینو سره په لیدنه کې په خپلو خبرو کې وویل چې د ناروغانو ښي درملنې او د روغتون پاکوالي ته جدې پاملرنه وکړئ
نوموړې زیاته کړه چې دا زمونږ او ستاسو مسوولیت دی چې د زندانیانو او پرسونل روغتیا ساتنې ته ځانګړې پاملرنه وکړو او پدې برخه کې نه ستړې کېدونکې هلې ځلې وکړو.
داراز، محترم قاري همدرد د نوموړي روغتون مسوولینو سره په کتنه کې د هغوی غوښتنې او ستونزې اورېدلو ترڅنګ د نوموړي روغتون اداري شعبې، بسترخونې ، واټونه او بیلابیلې برخې وارزولې او د ستونزو حلولو او لازمو اسانتیاوو برابرولو په پار یې اړوندو مسوولینو ته لازمې سپارښتنې وکړې.
همدا راز، د زندانونو چارو د سمون ادارې د پالېسۍ او مسلکي چارو مرستیال د ادارې ۵۰ بستریز روغتون د بستر شویو ناروغانو پوښتنه وکړه او اړوندو روغتیايي مسوولینو ته یې لارښوونه وکړه چې د نوموړو ناروغانو په درملنه کې د خپلو ټولو امکاناتو څخه په ګټې اخیستنه کې له هیڅ راز هلو ځلو څخه دریغ ونهکړي.
جمادي الاول ۱۸/ ۱۴۴۵
د مقام د دفتر ریاست
د اطلاعاتو او عامه اړیکو امریت
