د کابل ولایت د ماشومانو اصلاح او روزنې له مرکز سره د ساري ناروغۍ د مخنوي په موخه د درملو مرسته وشوه
د کابل ولایت د ماشومانو اصلاح او روزنې مرکز محجوزو ماشومانو لپاره چې په دې وروستیو کې د سترګو په ساري ناروغۍ اخته شوي وو د دوی د درملنې په هدف د زندانونو چارو د سمون ادارې له لوري د زرګونو افغانیو په ارزښت درمل وپېرل شول چې د ادارې د باتجربه ډاکټرانو له لوري به په محجوزو ناروغانو د ناروغۍ د مخنیوي لپاره وکارول شي.
داراز. د دې مرکز د روغتیایي مسوولینو په وینا:« په تېرو څو ورځو کې د دې مرکز محجوزینو د سترګو له ناروغۍ شکایت درلود، د څېړنو وروسته مو معلومه کړه چې دوی د سترګو په یو ډول ساري ناروغۍ اخته شوي».
همدا راز، مسوولینو زیاته کړه چې د نوموړې ناروغۍ له تشخیص وروسته یې د زندانونو چارو د سمون اداره پرې خبره کړه چې هغوی بې له کومه زنډه اړوند درمل دوی ته په وخت رسوولي چې له دې سره به وکولی شي دې رنځ ته د پای ټکی کېږدي.
ربیع الثاني ۹/ ۱۴۴۵
د مقام د دفتر ریاست
د اطلاعاتو او عامه اړیکو امریت
