د خوشې شویو بندي مجاهدینو د مشکلاتو د حل ریاست استازي د ننګرهار له والي او امنیې قوماندان سره ولیدل
د زندانونو چارو د سمون ادارې د خوشې شویو بندي مجاهدینو د مشکلاتو د حل ریاست استازي د نوموړي ولایت له والي محترم ملا محمد نعیم "اخند" او امنیې قوماندان سره د خوشې شویو بندي مجاهدینو د برخلیک، پر لازمو دندو یې د ګومارلو، د دوی د حقونو رعایتولو، د ژوندانه لپاره د پام وړ اسانتياوو برابرولو، روغتیايي ستونزو ته یې د پاملرنې او نورو اړوندو موضوعګانو په هکله بحث او سلا مشورې وکړې.
داراز، استازي د خپل ریاست پلانونه او برنامې له یادو مسولینو سره شریکې کړې او په دې برخه کې یې د لازمو همکاریو غوښتنه وکړه، چې هغوی له خوا په دې برخه کې د زندانونو چارو د سمون ادارې سره د همکارۍ ژمنه وشوه.
همدا شان، د ننګرهار والي محترم ملا محمد نعیم "اخند" له هغه مجاهد سره هم ولیدل چې د(۵) کاله بند له تېرولو سربېره یې د کورنۍ (۱۱) غړي شهیدان شوي وو او ورته یې ډاډ ورکړ، چې ستونزو او غوښتنو ته به یې په قانوني ډول رسېدنه وشي.
محرم الحرام ۱۹/ ۱۴۴۵
د مقام د دفتر ریاست
د اطلاعاتو او عامه اړیکو امریت
