د میدان وردګو ولایت په زندان کې د بیا رغونې چارې پایته ورسېدې
د زندانونو چارو د سمون ادارې د عمومي رئیس محترم مولوي محمدیوسف "مستري" په سپارښتنه او اړتیا ته په کتو، د یاد ولایت د زندان د امر محترم مولوي صلاح الدین په هڅو او د دغې ادارې په مالي لګښت د میدان وردګو په زندان کې د بیا رغونې چارې چې څه موده وړاندې پیل شوې وې پایته ورسېدې.
د نوموړي زندان د مسوولینو په خبره، د برېښنایي سیسټم بیا فعالول، رنګمالي او د ویجاړو شویو برخو بیا ترمیم په دې چارو کې شامل وو.
همداشان، نوموړي مسوولین وايي د میدان وردګو ولایت د زندان د بیا رغونې چارې په ښه او معیاري توګه بشپړې شوې، چې له امله به یې زندانیانو ته لازمې او د پام وړ اسانتیاوې برابرې شي.
محرم الحرام ۸/ ۱۴۴۵
د مقام د دفتر ریاست
د اطلاعاتو او عامه اړیکو امریت
