مرکزي توقیفخونې ته (۲۰۰۰) نوي بالښتونه او توشکې وسپارل شوې
د زندانونو چارو د سمون ادارې، د کابل ولایت د مرکزي توقیفخونې اړتیا ته په کتو په خپل مالي لګښت د توقیفیانو لپاره (۲) زره د ښه کیفیت لرونکي بالښتونه او توشکې وپېرلې او نن(چهارشنبې) یې د یو لړ مراسمو په ترڅ کې د یادې توقیفخونې مسوولینو ته وسپارلې.
نوموړو مسوولینو د خوښۍ په څرګندولو سره وویل:«دا د توقیفیانو یوه غوښتنه وه چې پوره شوه او موږ به د زندانونو چارو د سمون ادارې د رهبرۍ په مرسته د دوی نورو روا غوښتنو ته هم رسېدنه وکړو».
د یادونې وړ بولو چې دغه توکي به په شفافه او منظمه توګه د کابل ولایت د مرکزي توقیفخونې پر موجودو توقیفیانو وویشل او پاتې نور به یې په ښه توګه خوندي او له اړتیا سره سم به په راتلونکې کې وکارول شي.
ذوالحجه ۲۴/ ۱۴۴۴
د مقام د دفتر ریاست
د اطلاعاتو او عامه اړیکو امریت
